Meny

Foto: Vidar Olaussen

Helse- og sosialfag

Helse og sosialfag er den breie inngangen til arbeid innan helse og sosialsektoren, barnehagar, sjukeheimar, sjukehus og liknande.

Du kan og byggje opp studiekompetanse dersom du tenkjer å ta høgare utdanning, t.d sjukepleieutdanning.

I det daglege arbeidet legg vi vekt på at du utvikler gode arbeidsrutiner, blir sjølvstendig og ansvarsbevisst og får gode samarbeidsevner. Dette er evner det er godt å ha med seg dersom du seinare skal yte service til andre menneske.

I tillegg legg vi vekt på at du skal kunne få gode fagkunnskapar slik at dei menneska du seinare skal ta deg av, kan føle at dei er i trygge hender. Barn, familie, ungdom, funksjonshemma og eldre er sentrale tema.

Den nye Helsefagarbeidaren vil bli ei stor yrkesgruppe i kommunehelsetenesta og det vil bli stort behov for helsefagarbeidarar i framtida. Helsefagarbeidaren vil og bli utdanna for arbeid i sjukehus.

På både VG1 og Vg2 legg skulen opp til utplassering i bedrift.

På Vinstra har vi to vg2 - tilbod:

  • Vg2 Helsearbeiderfag.
  • Vg2 Barne- og ungdomsarbeiderfag.

Helsearbeiderfag

på Vinstra vidaregåande skule



På Vg2 Helsearbeiderfag


Vil du lære meire om:

  • Sjukepleie til ulike pasientgrupper

  • Sjukdomslære

  • Hygiene

  • Etikk, kommunikasjon og arbeidsmiljø

  • Psykologi

  • Oppbygging av helsevesenet

  • Lover og regler


Fag på Vg2:

9timar fellesfag

17timar programfag

9t prosjekt til fordjuping

Elevane er ute i bedrift ein dag i veka faget prosjekt til fordjuping


Etter Vg 2 kan du:

-bli læring i to år og gå opp til fagprøve

-ta vg3 påbygging til generell studiekompetanse



Aktuelle arbeidsstader etter å ha bestått fagprøve

Helsefagarbeidaren arbeider på sjukehus, på sjukeheimar,heime hos menneske som treng hjelp,i psykiatrien,i rusomsorgen,i opptrening-og behandlingssentre

Sentrale arbeidsoppgåver

Helsefagarbeidaren utfører praktisk pleie, omsorg og miljøarbeid for pasientar og brukarar av helse- og sosialtenesta. Sentrale arbeidsområde er

  • utøving av fagleg forsvarleg og omsorgsfull helsehjelp, med brukaren i sentrum

  • arbeid med helsefremjande, førebyggjande og rehabiliterande pleie- og omsorgstiltak

  • planlegging, utføring og deltaking i det totale behandlingsopplegget for pasienten/brukaren

  • å arbeide etter gjeldande hygieniske, ernæringsmessige og ergonomiske prinsipp

  • å håndtere medikament etter gjeldande lovverk

  • journalføring, dokumentasjon og rapportering



Eigenskapar
Det er viktig å vera personleg egna i forhold til yrkesutøvinga. Du må kunne bry deg om, vise omsorg og respekt for og ta omsyn til andre menneske. Du bør kunne arbeide både sjølvstendig og samarbeide med andre.

 

 

Barne- og ungdomsarbeiderfag

på Vinstra vidaregåande skule



På Vg2 Barne- og ungdomsarbeiderfag


Vil du lære meire om

  • Aktivitetar for barn og unge som grunnlag for vekst og utvikling

  • Hygiene

  • Førebyggjing av sjukdom

  • Førstehjelp

  • Kommunikasjon med med barn og unge

  • Pedagogiske aktivitetar for barn og unge

  • Haldningsskapande arbeid mot tobakk og rusmiddel


Fag på Vg2:

9t fellesfag

17 timar programfag

9t prosjekt til fordjuping

I faget prosjekt til fordjuping er du ute i bedrift ein dag i veka


Etter Vg2 kan du:

  • Bli lærling i 2 år og gå opp til fagprøve

  • Gå Vg3 påbygging til generell studiekompetanse


Aktuelle arbeidsstader


Som barne- og ungdomsarbeidar kan du få arbeid i barnehagar, barneparkar, skular, skulefritidsordningar, klubbar og kommunale etatar.



Sentrale arbeidsoppgåver

Barne- og ungdomsarbeidaren legg tilrette og vel hensiktsmessige pedagogiske metoder i arbeid med barn og unge i alderen 0 – 18 år.

Sentrale arbeidsområder er


  • planlegging, leiing, gjennomføring og evaluering av pedagogiske aktivitetar for barn og unge

  • tilrettelegging for leik og fysisk aktivitet med utgangspunkt i den enkelte sitt funksjonsnivå og livssituasjon

  • bruk av forming, sang, leik, musikk, litteratur og drama i det daglege arbeidet

  • kommunikasjon med menneske med ulik kulturell bakgrunn, livssyn og sosial status

  • samarbeid med barn og unge, føresette, kollegaer og andre samarbeidspartnarar

  • grensesetting, konfliktløsing og å vera ein tydeleg vaksenmodell


Eigenskapar

Det er viktig å kunne omsette teoretiske kunnskapar i praksis. Du må være flink til å komme i kontakt med menneske, ha samarbeidsvilje, samhandlingskompetanse, observasjonsevne og vera ansvarsbevisst.


Formelle krav
Utøvinga av faget krev politiattest som syner at du ikkje er sika, tiltalt eller dømt for overgrep mot barn



 

 

 



 

Vinstra vidaregåande skule, Gamle Skåbuveg 10, 2640 Vinstra. Tlf. 61292300. Fax 61292301. Epost vinstra.vgs@oppland.org
Ansvarleg redaktør: Aage Lesjø. WEB-redaktør: Thomas F. H. Torjusen. WEB-administrator: Per Bråtet.