Innbrotstjuven på Vinstra vidaregåande skule
Lillepus fann sjølv vegen frå Hokksund og fram til Vinstra vidaregåande skule der han løyste ut tjuverialarmen fleire gonger i jula (Foto: Tove Watterud)
Berit Marstein flytta i juli med katten sin frå Dombås til Hokksund. Katten syntes nok ikkje noko om flyttinga, så han forsvann frå Hokksund i juli. Han hadde nok tenkt seg attende til Dombås da han møtte julekulda på Vinstra og fann varme mellom ventilasjonsaggregat i kjellaren på klasseromsfløya. Da Berit Marstein kom for å hente han, var det ingen tvil om at dette var Lillepus. Han har nå flytta attende til Dombås.