Vellykka LAN i Heidalshallen

På eit LAN samles ungdom for å spele dataspel, gjerne mot kvarandre. Spelinga foregår "døgnet rundt", avbrote av ein matbit og litt søvn.

Tidlegare har lanet vore arrangert i skulen si kantine, men p.g.a ombygginging valde ein i år å legge arrangementet til Heidalshallen. Dette viste seg å vere eit lykkeleg val, og Heidalshallen egna seg svært godt. Den har store og romslege rom, ny fiber, bra sanitæranselgg og moglegheit for sovesal.

Og LITT søvn i løpet av to døgn, må ein berre ha.....

Da det ikkje var mogleg å arrangere lanet i eigen kantine, tok skulen kontakt med systemkonsulent i Sel kommune Terje Alnes. Han foreslo Heidalshallen, da det var planar om å installere fiberkabel her hausten 2009. Etter lanet takka elevane Alnes for svært god hjelp og tilrettelegging, og skulen vil i framtida vurdere å arrangere lanet annakvart år i Heidalshallen.

IKT-elevane hadde gjennom ungdomsbedrifta Datahjelpen UB ansvar for å planlegging, marknadsføring og all teknisk gjennomføring av lanet. Dette dekker mange av kompetansemåla i faga Prosjekt til fordjuping og Drift og vedlikehald.