Fokus på villrein og gruvedrift
Tradisjonen tru var VG1-elevane ved Hjerleid på geografi-tur til Grimsdalen og Folldal for å lære om gamal fangstkultur, geologi og gruvedrift før i tida.
Grimsdalen
Som vanleg var Espen Rusten frå Villreinsenteret på Hjerkinn med oss på turen og forklarte kvifor dovre-naturen ser ut som den gjer. Det store fangstanlegget for villrein ved Einsethøe i Grimsdalen var første stopp, der vi også lærte om buplassen like ved.
Folldal gruver
Neste stopp var Folldal Gruver der turen med gruvetoget langt inn i fjellet truleg var høgdepunktet denne dagen. Forutan forelesing om Rondane sin geologi fekk vi også ein grundig orientering om Folldal si gruvehistorie.
Heimturen gjekk som vanleg langs E6 over Dovrefjell.